Марказ дар доираи иҷрои нақшаи баргузор намудани конференсияҳо, симпозиумҳо, семинарҳо ва дигар чорабиниҳои илмӣ 30 ноябри соли 2022 Конференсияи илмии байналмилалии “Масъалаҳои нигоҳдории пиряхҳо ва истифодаи оқилонаи захираҳои обии Осиёи Марказӣ”-ро баргузор намуд. Дар кори конференсия 50 нафар олимон ва коршиносон аз муассисаҳои илмии Академияи миллии илмҳои Тоҷикистон, Академияи илмҳои Хитой, Академияи илмҳои Руссия ва донишгоҳҳо тариқи бевосита ва маҷозӣ иштирок намуданд.

  4 июни соли 2021 Марказ бо иштироки намояндагон – олимони институтҳои Академияи миллии илмҳои Тоҷикистон, Қирғизистон ва Академияи илмҳои Хитой, Донишгоҳи миллии Тоҷикистон, Институти Осиёи Марказии таҳқиқотҳои амалии Замин (CAIAG, Бишкек) ) ва Маркази илмҳо оид ба Замини Олмон (GFZ, Потсдам) симпозиуми байналмилалӣ дар реҷаи онлайн дар мавзӯи «Захираҳои обии Осиёи Марказӣ: ташаккул, геоэкология, устуворӣ дар шароити тағйирёбии иқлим» баргузор намуд.

   20 октябри соли 2021 дар Марказ конференсияи байналмилалии илмии "Рушди роҳи Абрешим, мутобиқ шудан ба тағйирёбии иқлим, экология ва ҳифзи муҳити зист"-ро дар реҷаи онлайн баргузор намуд. Дар кори конференсия олимон ва мутахассисони муассисаҳои илмии Академияи миллии илмҳои Тоҷикистон, Академияи илмҳои Хитой, Академияи миллии илмҳои Ҷумҳурии Қирғизистон, Академияи илмҳои Ӯзбекистон, як қатор донишгоҳҳои Тоҷикистон, Ӯзбекистон, Қазоқистон ва Руссия иштирок карданд. Аз 33 маърӯзаҳои эълоншуда, дар конференсия 25 маърӯзаи илмӣ шунида ва баррасӣ карда шуданд.

  Дар робита ба иҷрои нақшаи чорабиниҳои илмӣ - конфронсҳо, симпозиумҳо ва семинарҳои илмӣ, ки аз ҷониби Ҳукумати Ҷумҳурии Тоҷикистон барои соли 2020 тасдиқ гардидаанд, Марказ 27 ноябри соли 2020 конференсия байналмилалии реҷаи онлайн дар мавзӯи "Таъсири тағйирёбии иқлим ба экосистемаҳои Осиёи Марказӣ" баргузор намуд.

Страница 2 из 3

TPL_BACKTOTOP