Пойгоҳи Зидеҳ. Майдончаи таҷрибавӣ дар нишебии ҷанубии қаторкӯҳӣ Ҳисор дар водии баландкӯҳӣ Зидеҳ, дар баландии 2500 метр аз сатхи баҳр воқеъ гардидааст. Иқлими минтақа континенталӣ бо тағирёбии назарраси ҳаррӯза ва мавсимии ҳарорат хос аст. Дар тирамоҳ, одатан дар миёнаи моҳи ноябр, баъзан ҳатто дар моҳи октябр барф меборад. Миқдори зиёди боришот, мувофиқи маълумотҳои чандинсолаи метеорологӣ, дар моҳҳои декабр-апрел, камтарини боришот дар моҳҳои июл-август дида мешавад. Боришоти умумӣ зиёд буда, ба ҳисоби миёна дар як сол 800 мм-ро ташкил медиҳад. Ҳарорати миёнаи солонаи ҳаво 10,4°С мебошад. Дар ин мавзеъ радиацияи офтобӣ хеле зиёд аст. Хоки ин мавзеъ қаҳваранги кӯҳии маъмулӣ буда, падидаи ҷинсҳои сангӣ ва сангрезаҳои хокию оҳаксангӣ доранд. Миқдори гумус дар қабати болоии хок 3.5-5.0% таҳкил медиҳад.

Навъи растаниҳои мавзеъ аз нимсаваннаи сералаф, ҷамоаи геранию юғанӣ (Prangos pabularia, Geranium collinum) ташкил ёфтааст. Юғанҳо – алафҳои сермаҳсули табиии хӯроки чорвои экосистемахои сералафи Помиру Олой мебошанд. Юған - хӯроки чорво  (Prangos pabularia Lindl.) як растании бисёрсолаи поликарпӣ, алафӣ аз оилаи эфемероидҳо мебошад.