734063, Ҷумҳурии Тоҷикистон, ш. Душанбе, кӯчаи Айнӣ 267
Аз 29 августи то 2 сентябри соли 2025 кормандони Марказ вазъи пиряхҳо ва кӯлҳои пиряхиро дар ҳавзаи дарёи Сурхоб мавриди таҳқиқу назорат қарор доданд. Дар ҷараёни таҳқиқоти саҳроӣ бо истифода аз ҳавопаймоҳои бесарнишин қисми забонаи пиряхи Саид Нафисӣ, ки дар он чанд кӯли хурди пиряхӣ ҷойгиранд, аксбардорӣ карда шуд. Кӯлҳои пиряхӣ дар минтақаҳои кӯҳӣ хатари ҷиддӣ эҷод менамоянд.
Обшавии шадиди пиряхҳо дар рӯзҳои гарми тобистон асосан сабаби ба вуҷуд омадани селфароӣ мегардад. Чунин селфароиҳо дар гузашта боиси хароб гардидани бахше аз шоҳроҳи Душанбе - Лахш ва тағйири самти ҷараёни дарёи Сурхоб шудаанд.
Дар баробари ин, аз ҷониби кормандони Марказ пиряхҳои мавзеи болооби ҳавзаи дарёи Оби Шурак (Шураки-Капали) низ бо истифода аз ҲБС таҳқиқ карда шуда, маълумоти ба дастомада минбаъд коркард карда мешаванд.
