Аз 26 июл то 9 августи соли 2025, гурӯҳи муштараки илмӣ аз Маркази таҳқиқоти экология ва муҳити зисти Осиёи Марказӣ (Душанбе)-и Академияи миллии илмҳои Тоҷикистон,  Институти ботаника, физиология ва генетикаи растанӣ ва Институти Синзянии экология ва географияи Академияи илмҳои Хитой экспедитсияи илмии мукаммали худро дар пуштакӯҳи Помир баргузор намуд.

Ҳадафи экспедитсия омӯзиши гуногунии биологӣ, бахусус ҷамоаҳои растанӣ, хусусиятҳои физикӣ ва кимиёвии хокҳо, инчунин захираҳои генетикии экосистемаҳои баландкӯҳии Помир буд - минтақае, ки яке аз минтақаҳои табиии беназиру нодири ҷаҳон ба шумор меравад.

Тадқиқоти саҳроӣ дар қисмҳои Ғарбӣ ва Ҷанубии Помир гузаронида шуданд. Ба шарофати фарогирии васеи баландиву ландшафт, гурӯҳи таҳқиқотӣ тавонист экосистемаҳои гуногуни табииро — аз биёбонҳои кӯҳӣ ва нимбиёбонҳо то чарогоҳҳои алпӣ ва минтақаҳои соҳилии кӯлҳои баландкӯҳ ва ботлоқзорҳоро ҳамаҷониба таҳқиқ намояд.

Пуштакӯҳи Помир бо гуногунии бойи биологӣ фарқ мекунад, ки дар шакли минтақаҳои зерин ифода меёбад:

- Биёбонҳо ва нимбиёбонҳои кӯҳӣ.

- Чарогоҳҳо ва буттазорҳои кӯҳӣ.

- Ҷангалҳои боқимондаи сӯзанбаргу паҳнбарг.

- Чарогоҳҳои субалпӣ ва алпӣ.

-  Сангрезаҳои нишебии наздики пиряхҳо ва шахҳо.

- Минтақаҳои соҳилии кӯлҳои кӯҳӣ ва ботлоқзорҳо

Аз ҷумлаи ҷинсу намудҳои маъмултарини наботот, инҳо қайд гардиданд: Seriphidium, Ceratoides, Acantholimon, Ephedra, ва инчунин намояндагони оилаҳои Poaceae (гандумгиёҳон) ва Brassicaceae (кабӯтагунҳо).

Ин экспедитсияи илмӣ аҳамияти ҳамкориҳои илмии байни олимони Тоҷикистон ва Хитойро дар самти омӯзиши гуногунии биологии экосистемаҳои баландкӯҳии Помир нишон медиҳад. Равиши мукаммали таҳқиқотӣ бо истифодаи технологияҳои муосири геномӣ ба дарки амиқи экосистемаҳои кӯҳӣ мусоидат мекунад. Маълумоти нави бадастомада дорои аҳамияти муҳимми илмии бунёдӣ ва амалӣ мебошад - бахусус барои арзёбии таъсири тағйирёбии иқлим ва омилҳои антропогенӣ ба экосистемаҳои осебпазирӣ табиии пуштакӯҳи Помир ва гуногунии биологии он.

Иштироккунандагони экспедитcияи якҷояи олимони Тоҷикистон ва Хитой.

Раванди таҳқиқотҳои саҳроӣ.

Раванди таҳқиқотҳои саҳроӣ.

Иштироккунандагони экспедитcияи якҷояи олимони Тоҷикистон ва Хитой дар Помири Ғарбӣ.

Раванди таҳқиқотҳои саҳроӣ.

Иштироккунандагони экспедитcияи якҷояи олимони Тоҷикистон ва Хитой дар Помири Шарқӣ.