Тавре қаблан хабар додем, имрӯз дар Академияи миллии илмҳои Тоҷикистон ба муносибати 1045-солагии донишманди бузурги тоҷик Абӯалӣ ибни Сино дар мавзуи «Саҳми Абӯалӣ  ибни Сино дар рушди илм, фалсафа ва тамаддуни ҷаҳонӣ» Симпозиуми байналмилалӣ оғоз гардид. Кори симпозиум дар дигар бахшҳо идома дорад.

Тағйирёбии глобалии иқлим ва гармшавии мунтазами ҳарорати ҳаво яке аз мушкилот ва хатарҳои ҷиддии экологӣ ба ҳисоб меравад, ки тайи даҳсолаҳои охир ба минтақаи Осиёи Марказӣ ва махсусан ба Тоҷикистон таъсири назаррас расонидааст. Таъсири ин раванд дар шакли обшавии босуръати пиряхҳо, камшавии захираҳои обӣ ва афзоиши хавфи хатарҳои пиряхӣ эҳсос мешавад.

  Кормандони илмии Маркази илмӣ-таҳқиқотии экология ва муҳити зисти Осиёи Марказӣ дар экспедитсияи муштарак бо намояндагони Кумитаи ҳолатҳои фавқулодда ва мудофиаи гражданӣ ва Саридораи геологияи назди Ҳукумати Ҷумҳурии Тоҷикистон бо дастгирии Агентии Оғохон Ҳабитат дар давраи 11–14 сентябри соли 2025 дар мавзеи кӯли Сарез ва болооби он (ноҳияҳои Рӯшон ва Мурғоби ВМКБ) иштирок намуданд.

  Аз 29 августи то 2 сентябри соли 2025 кормандони Марказ вазъи пиряхҳо ва кӯлҳои пиряхиро дар ҳавзаи дарёи Сурхоб мавриди таҳқиқу назорат қарор доданд. Дар ҷараёни таҳқиқоти саҳроӣ бо истифода аз ҳавопаймоҳои бесарнишин қисми забонаи пиряхи Саид Нафисӣ, ки дар он чанд кӯли хурди пиряхӣ ҷойгиранд, аксбардорӣ карда шуд. Кӯлҳои пиряхӣ дар минтақаҳои кӯҳӣ хатари ҷиддӣ эҷод менамоянд.

Страница 2 из 10

TPL_BACKTOTOP